|
|
|
| أحمد الشقيري |
أول فئة نبدأ به موضوع التربية العملية فئة الأولاد والبنات من عمر سنتين إلى أربع سنوات هذه الفئة صحيح أنها صغيرة ولكن ممكن تفهم وممكن توكل إليها مهام وممكن يطلب من الطفل في هذا السن انو يرجع على الأقل صحنه يعني هذا السن قادر على فهم هذا المبدأ ولمن تخلص صحنك امسكوا ورجعوا على المطبخ
الأمر الثاني ترتيب غرفة الألعاب فأبغي أسوي التجربة عمليا مع مريم والدة مريم تخاطب مريم يلا مريم شيلي أشيائك وحطيها هنا في الصندوق حقها
الفائدة من هذا التعليم انو حيتعلم من هو صغير موضوع الانضباط وموضوع الاعتماد على نفسوا وعدم الاعتماد مثلا على الخدم اوالدادات أو الأمهات ويعتمد انو كل مايلخبط شي يرتبوا بنفسوا والدة مريم يلا جيب الثاني يلا نجيب كل ألعاب مريم الحلوة ونحطها هنا شاطرة مريم جود جير ل
فئة من 8-10 سنوات التعود على الاستيقاظ للمدرسة بمفرده
التعود على توزيع الصدقات
فئة من 8-10 سنوات الأمر الأول انو يبدأ يستيقظ لوحده للمدرسة بس مبدأ التحمل تحمل المسؤولية في الاستيقاظ يسير عليه
الأكل الفائض حق البيت مثلا إلى حيروح للصدقات ممكن هو إلى يبدأ يعبيه وممكن هو إلى يكون مسؤل عن إعطاء هذه الصناديق بعد ما نظمها للمحتاجين حوله مثلا لعامل النظافة مثلا فايضا يتعلم العطاء بشكل عملي
فئة من 11-13 سنوات
عمر 11 ل13 من ابسط الأمور العملية التي تعطى لهذا السن انو يسير هو مسئول عن مقاضي البيت
تجربة مع طفل
فيسير الولد هو يا خد قائمة المقاضي مع أبوه أو أمه أو خاله وأنت خاله نعم أو أي احد مسئول معاه ويديلو ا القائمة ويخليه هو يروح يجيب المقاضي بنفسه
في الحياة مثلا ممكن
تقعد وتعطي خطب طويلة عريضة للولد انو لا تستحي خليك رجال خلي عندك جرأة ولن يوثر فيه شئ ولكن لمن تضعه في هذا الموقف موقف مثلا مقاضي ورايح يروح يتعامل مع الناس أول مرة حيستحي وثاني مرة حيستحي وثالث مرة خلاص ستصبح عنده جرأة فتكون قضيت على موضوع الحياء أو الاستحياء الذي ليس بموضعه بأسلوب عملي
عودة لتجربة الطفل
أنا بس حتابع من بعيد ولن أشارك وأظن انو مطلوب منو كيلو طماطم بشكل عام لازم يجي هنا يوزنوا خلص من الطماطم وجا قسم الرز وأيضا من القواعد انو لو أخطأ في أمور طلبت منه وجابها غلط أكثر فائدة يتعلمها من أخطائه فإذا جاب بعض الأمور خطأ وتعلم أو قيل له والله هذي غلط المرة الجاية سيحفظها ولن يخطئ , ماشاءالله شوفوه عارف يتحرك لوحدوا هذي رسالة مرة أخرى نحن أحيانا نستصغر الأولاد يعني نقول هو عمرو 10- 11-12 سنة صغير مسكين لسه ما يعرف ولكن إذا وضع في الاختبار ستجد عنده المهارات المطلوبة وعنده كل القدرات اللازمة لأداء المهمة انظروا ماشاءالله إلى الآن ما سأل وراح لوحدوا إلى الأماكن هو إلى عرف فين الفول فين الرز وعارف إذا مرة أخرى لا نستصغر الأولاد لأنهم قادرون إذا أعطيناهم المسؤولية سيتحملونها دحين ماشاءالله وصل بالسلامة يعطيك العافية
يا خال نبغاك الآن تراجع الأمور سليمة ولا لا علشان نتأكد أن كل المطلوب موجود وبالطلبات بالظبط تأكد لي من الطماطم كويس لا تمام كيلوا طيب ماشاءالله ظبطت معاه يعني ممتاز إذا أديلوا الفلوس علشان يحاسب من ضمن المسؤوليات أيضا موضوع المحاسبة وتعامل هذا السن مع المال يبدأ من هذا العمر يتعامل مع المال يتعلم انو لمن يرجع الباقي لازم يعدوا كل هذه الأمور يتعلمها بشكل عملي ليس بالوعظ وكثر الكلام ماشاءالله خلاص كبر الولد تمام يعني يشيل عنك
فئة من 14-16 سنوات
سن 14 ل 16 سن المراهقة وسن البلوغ هذي الفترة يجب أن يعطى أمور تحسسه إنوا أصبح رجل وأصبح خلاص مسئول عن البيت وفي أمثلة كثيرة وبالمناسبة الحلقة لا تسعى نحن فقط بنعطي بعض الأمثلة أيمكن توجد عشرات الأمثلة للسنين المختلفة فواتير الهاتف يسير هو بنفسه يسددها فإحنا دحين ندور على شباب أعمارهم بين 14 و16 نشوف هل يقدروا انهم يدفعوا فاتورة الكهربا ولا لا
؟؟؟؟؟؟ للشعب هل دفعت فاتورة الكهربا من قبل؟
لا عمري ماسددتهاش
لا مش أنا الوالدة يعني
لا لسه الصراحة أنا لسه في الكلية !!!!!!!!!!!!!!
لا ولا مرة
أه ممكن لمن بكون قاعد في البيت
ما اعرف
فاتورة الكهربا لااااااااااااااااا
زمان وأنا صغير
التجربة عملية مع احد الشباب
السلام عليكم حياك الله الله يحيك كم عمرك 16 سنة ممتاز أخ مصطفى عمرك سددت فاتورة الكهربا لا طيب تعرف كيف تسدد فاتورة الكهربا لا ما اعرف طيب نبغااك تحاول تسوي وتسدد فاتورة الكهربا
- فواتير الكهربا فواتير الماء فواتير التلفون ياريت يكون من مسؤولية الشاب إلى عمروا من 14 -16 يسدد فواتير المنزل فيتعلم التعامل بالمال - يتعلم أيضا تنظيم الوقت مرة أخرى حيكون أسرع مرة عن مرة فيتحمل إذا أنا ما تحملت المسؤولية في عواقب
ذهبوا للصراف الآلي
اشر حلي ايش جالس بتسوي أول شي ادخل البطاقة وضغطت ف أعطاني الخيارات سحب – فواتير ولا أي إيداع ولا أي شي تريدوا طيب راح اضغط على تسديد الفواتير وبعدين نحط عندي اتصالات – كهربا – طيب - تسديد فاتورة الكهربا طيب ونضغط ايش إلى صار جالس يقلك تحتاج وقت زيادة قلو يس نعم عندك كم زرا ر 3-4
أيوا قلي ايش إلى صار عندك هو دحين يقلي انو يقلك انو وقتك المحدد انتهى أيوا طيب الآن كتب شكرا – أيوا سددنا الفاتورة أيوا خذ الوصل بعدين نكتب خروج خلاص وبس طبعا اخدت وقت شوي نعم ليه علشان قبل كيدا ماسدددت نعم لأنه أول مرة والعملية المفروض سهلة سهلة جدا
- أيضا من الأمور الأساسية وهذا منتشر كثيرا في الغرب من 14-16 لازم يبدأ يعمل لازم يبدأ يشتغل ما ينفع آن الأولاد عندنا مايشتغلوا إلا بعد الجامعة ماعندو أي تجربة وظيفة إلا بعد الجامعة 14-إلى 16 ممكن يعمل عمل موسمي يعني إذا لا يستطيع أن يعمل أيام الدراسة علشان لا تشغله يعمل في الصيف الايجازات عندنا 3 شهور الشباب مابيسوا فيها شي فلماذا لايبدا بعمل مؤقت أو بارت تايم مجزأ أو موسمي في الصيف 3 شهور تنمي مهاراته وتكون مفيدة في السيرة الذاتية حقتوا
المصدر: http://www.thakafa.net/vb/showpost.php?p=601191&postcount=1