|
|
|
| أحمد الشقيري |
من ضمن الأمور أيضا المواقف المولات الآن كل الدول تقريبا عندها قانون انو في المولات لازم يكون في موقفين ثلاثة لذوي الاحتياجات الخاصة يكون مباشرة جنب الباب الآن ما فائدة هذا القانون إذا لا يطبق مافائدة انو بس حاطين إحنا يعني كأنه سبحان الله حاطين الإشارات هذي لرفع الملامة انو بس والله نحن حاطين إشارة ضوء لذوي الاحتياجات الخاصة بعدين مافي أي احد يطبق الموضوع كل السيارات يعني بتوقف في المواقف هذي بشكل خاطئ
-دحين حن في مواقف مول مواقف سفلية للمول هذي العلامة أعزائي معناها ذوي احتياجات خاصة
- لا تقف السيارة هنا إلا وهي مصرح لها إنها توقف لأنو صاحبها أو الراكب مع السواق من ذوي الاحتياجات الخاصة مع الأسف عندنا عدم التزام في هذا القانون دائما يتكرر والمحزن المبكي انو إلى واقف هنا مع انو الباركين فاضي جنب السيارة هذي إلى هو واقف فيها ممكن كان يوقف هنا وهذا الموقف أيضا فاضي حروح اكلم الأمن علشان يطلبوا صاحب هذي السيارة علشان يحركها حناخد رقم اللوحة وحنبلغ الأمن إنهم يبلغوا في النظام الصوتي حق المول انو يطلبوا من صاحب السيارة انو يجي [/align]
النداء الصوتي
نرجوا الانتباه الرجاء من صاحب السيارة كامري رقم اللوحة أ ي س التوجه إليها للأهمية
- في سيارة تويوتا كامري واقفة غلط في مكان ذوي الاحتياجات الخاصة .... هذا تصرف غير حضاري
- من ضمن الأمور إلى الواحد يفتخر فيه أن الرسول صلى الله عليه وسلم يعني ابتدائها وفي عصر ماكان فيه وعي في موضوع ذوي الاحتياجات الخاصة انظروا كيف صلى الله عليه وسلم استخدمهم في المجتمع من ذالك عبد الله ابن أم مكتوم رضي الله عنه اعمي يعني يعتبر من ذوي الاحتياجات الخاصة استخدمه صلى الله عليه وسلم وكان هو نائبه في المدينة في أكثر من 10 غزوات وعندما ذهب إلى حجة الوداع استخلف عبدا لله ابن أم مكتوم في المدينة وكان هو الذي يأم الناس . إشارة هذي بسيطة منه صلى الله عليه وسلم انو يا إخوان فعلوهم في المجتمع لازم ذوي الاحتياجات الخاصة يعاملوا معاملة طبيعية بحيث يفعلو ا في مجتمعاتهم
-
- - أنت صاحب التويوتا أهلا وسهلا تعال معانا جيب المفتاح يلا بعض المخالفة جيب 5 قمصان رجالي , المفتاح .
- الله يرضا عليك ويبارك فيك فيك ميزة كبيرة الحقيقة بعض الناس عندما يخطئ أو أي شئ تأخذه العزة بالإثم أيوا فبدال ما يعني يمشيها أو يعترف بخطؤؤؤؤؤؤ وهذي عندك ميزة كبيرة يعند زيادة أنا عارف خطئ انو خلاص انو ما ا انتبهت وانتهينا
- وجدنا مخالف آخر في نفس المول في الجهة التانية من المواقف فدحين بندور على سيفك ولا نسر- لانسر سيفك لانسر لانسر أيوا فضي فضي أهلا وسهلا
- تقيملي ايش ممكن تكون المشكلة يعني مافي أي مشكلة انشاءالله بس يعني فيها شوية بويات من ورا يبغالها أيوا شوية بويات انشاءالله أيوا على طول ونشوف لها عريس يعني ما يحتاج
- ايش الغلط في الوقفة اشر حلي بس ؟ انو مايلة كيدا شوية لااااااااااا أنت بعيد مرة عن موضوعنا اليوم لا في مشكلة اكبر من أن السيارة مايلة طيب بس ممكن أشوف تحت شوف تحت , ها ممكن وقفة فيها شوية غلط تبع المعاقين صح ولا لا .. صباح الخير
- كلمة معاق الآن أصبحت كلمة لا يجوز استخدامها ولا يليق استخدامها زى في أمريكا أيضا كانو يسموهم كر يبلد crippled كمان بعدين غيرو المسمى إلى هاند كابد handicapped فهو مسمى شويه أرقى في التعامل معهم أيضا عندنا في العالم العربي كلمة معاق كلمة قديمة لا ينبغي أن تستخدم الكلمة اللبقة للاستخدام اليوم هي ذوي الاحتياجات الخاصة
- ممتاز تحية للأخ عاطف
- مشهد فيديو معبر لشخص من ذوي الاحتياجات الخاصة في الغرب
- الكلمات التي يرددها الناس في التعامل معه
- مأساوي tragic
- عاجز unable
- weakly ضعيف help to need يحتاج للمساعدة انت مسكين you poor- ضعيف عاجز ضحية victim- أنا احدد هويتيI define ME
- سلام عليكم كيف الحال الحمد لله ايش الاسم الكريم سعيد العامري سعيد العامري حياك الله طيب نحن دحين في رحلة في حياة إنسان نحن حنعتبر انك أنت تبغى تركب مواصلات عمومية طيب فإنشاء الله دحين حنستنى الباص لمن يجي انشاءالله ونشوف ايش الأخبار
- طيب خلينا نقارن عشان نشوف ايش الموجود إلى عند الغير نقارن بين رجل على كرسي مقعد يريد أن يخرج من بيته ويذهب إلى مثلا السوبر ماركت أو يذهب إلى محل معين ماهي التسهيلات الموفرة له في بلادنا وفي البلاد الأخرى
- صورة للمقارنة هنا :في لندن
- موضوع الباص العمومي من ابسط الأمور – سلام عليكم كيف الحال هذا كيف يركب دحين """ مشقة
- كيف هذا في مساعدة كيف هذا ينزل .......
- بس أنت روح أروح فين روح من الباب الثاني ........ والله صعبة هذي بس كيف .. ضرورة إنهم يسو عملية إلى شفناها إلى تتحرك في انجلترا بحيث أن الرجل بالكرسي حقو مباشرة يركبو الباص ثانيا إذا لاحظتو في الباص انو في لهم مكان مخصص فهو جالس في مكان مخصص إحنا لمن حاولنا نركبو الباص حولنا فركبو ا على الباب يعني هذا حتى خطر
- سعيد يبغى يأسس بيت فدحين بندورلوا على المفروشات كيف نأسسلوا بيت ؟ اجيبلك صور ولا ايش ؟ لازم احد يساعد طيب . يبغى يشتري بيت هو في عريس كيف يطلع نرفع نحنا .... مشقة وتعب .. يلا بالعكس ...
- سعيد دحين يبغى شهر العسل يلا على الأؤتيل يعني مافي طريق من هنا ولا هنا هذا كمان سلموا أعلى من التاني إلى راح نحاول نطلع مثلا .....
- والله مشكلة هذا في مشكلة دحين هذا في عريس غرفة هنا يبغى كيف يقدر يطلع كل يوم مافي طريق كيدا زى دحديرة سحسيلة مافي نروح من فين من باركين ايو الله ... أش رأيك نأجل الزواج نأجلو عادي
- - أقول بصراحة كنت أتمنى انو يكون عندنا واحد من ذوي الاحتياجات الخاصة يكون فعلا من ذوي الاحتياجات الخاصة لم نجد كثير من الناس تحرجوا من إنهم يطلعو فجبنا الأخ سعيد يعني مثلنا على الأقل الدور جزاه الله خير وبارك الله فيك تعبناك تعبناك جزاك الله خير علشان بس لا يقولوا المشاهدين يا أخي حرام شوفوا ايش بتسو فيهم طلعتوا ونزلتو وهو مسكين فهو من المتطوعين معانا بارك الله فيك
- الآية الكريمة (( ليس على الأعمى حرج ولا على الأعرج حرج ولا على المريض حرج ولا على أنفسكم أن تأكلوا من بيوتكم أو بيوت آبائكم أو بيوت أمهاتكم أو بيوت إخوانكم أو بيوت أخواتكم ))
- إلى أن قال ( أو صديقكم )) يعني هذي إشارة هناك عدة إشارات جميلة أولا موضوع الحرج انو يا أخوان لاتتعاملو مع ذوي الاحتياجات الخاصة بحرج اليوم بعض الناس يتعاملو ا معهم بشفقة يعني يقلو أنت طيب وأنت هم لا يريدون ذالك بالعكس هم يريدو منكم معاملة عادية تعامل معاه عادي هذا الأمر الأول الأمر الثاني انو الآية تعطيك انطباع يريد الله سبحانه وتعالى من المسلمين أن يدمجوا هذه الفئة في حياتنا اليومية فاليوم لاحرج انو يذهب يأكل مع أبوه مع أمه مع بناتوا مع اولادو مع اخوانو ومع أصدقائه فبلغة أخرى اخرج اخرج إلى المجتمع وتفاعل معه فهذه إشارة دقيقة في الآية الكريمة
المصدر: http://www.thakafa.net/vb/showpost.php?p=601211&postcount=1