|
|
|
| أحمد الشقيري |
أحيانا كثيرا البنات يكونوا في حالهم البنت في حالها ولابسة كويس ومتحجبة حتى ومغطية وماسوت شي ومع ذالك تؤذى من الشباب فهنا الخلل على الشباب لإثبات ذالك قمنا بعملية تجربة
- يوم التنكر العالمي
- يلا بسم الله
- شباب يتنكرون بعبايات وطرح -
ماشاءالله ماشية عليك مية مية يعني ريحة مع ضغط النافوخ في حول على طول
- أنا ركبت ليموزين عملت كيدا سواق ليموزين وجبنا شباب 3 شباب زي الورد لبسناهم عبي وغطينا وشهم وانطلقنا في شوارع جدة علشان نشوف حيتعاكسو ولا لا
- الشيء المحزن وحاجة زي كيدا مافي شخص عدى من جنبنا إلا على الأقل أخدنا بنظرة أو شاف أو شي زي كيدا حتى الى مو بنيتوا انو يعاكس على الأقل طالع فينا
- - موقادر لا اطل لايمين ولا يسار أشيلها دي احسلي (( اللحية الصناعية )) مسببة ربشة
- الله – لا لا تأشروا لأحد ولا تطلو طيب -
- مافي ولد عدى من جنبنا وسابنا في حالنا إلي ينزل الطاقة والى يأشر والى يتكلم الشباب عندنا في جدة من الآخر يعني هههه
- الى حصل أنهم كانو ماشين كيدا وجا واحد والله مو داري عن نفسوا يحسبنا بنات وهذا وماشي جنبنا من أول شوي كيدا وبعدين شوي إلا ومد يدو لمن شاف يدي أنفجع
-
- طيب هذي ما يلام عليها ماينلامو البنات كانو مغطين يعني هذا دليل انو الشاب أحيانا إذا شاف شي اسود حيعاكس لو شاف حجر حيعاكس وهذا ماهو منطق هنا خلل على الشباب هنا دليل انو في فراغ وانو الشاب يبغى يعاكس لمجرد المعاكسة أحيانا الشاب يبغى يؤذي لمجرد الإيذاء حتى لو هو ماهو عارف ايش تحت العباية هنا نلوم الشباب
- ولحل هذا الموضوع نحن دائما نقول في رسالة انو نحن نوجد أماكن للشباب يفرغوا فيها طاقاتهم بدال ما الربوع والخميس قاعد كلو يصرف في الشوارع ويخرجوا 6-7-8 ساعات في الشوارع فقط رايحين جايين يدورون على بنات هذا معناه انو ما عندهم مصارف أخرى لتفريغ الشحنة والطاقة الموجودة عندهم فتفتح لهم نوادي وتفتح لهم مراكز للتسللية تفتح لهم مراكز أكثر لسباقات السيارات بطريقة مقننة الى أخره بحيث يصرفوا همهم وجهدهم عليه
- استفتاء – إذا في واحد يعاكس اوكي ايش في رأيك الطريقة الى راح تخلي الشاب يبطل معاكسة من البنت
- 1- إنها ترد عليه بصراخ
- 2- ولا ترد عليه بأدب بذوق وتقلو بطل يعني
- 3- ولا تطنشو ما ترد
- 4- ولا تجيب واحد راجل من أهلها
- الردود
تطنشو إذا ما وقف تجيب واحد من أهلها, أحسن حاجة تطنشو ما ترد يعني ما ترد, ترد عليه بذوق , تطنشو أو تستدعي رجل امن إذا كانت في السوق , تدخل راجل من أهلها أو تطنشو , تطنشو إذا ما كان معاها احد إما إذا كان معاها رجل من عيلتها تقولوا ,
-يقال انه من امن العقوبة أساء الأدب , موضوع المعاكسات فيه مشكلة أساسية إحنا مابنتكلم عن معاكسة برضا الطرفين يعني الولد يبغى والبنت تبغى هذي مشكلة ولها علاج آخر ولكن المشكلة الأكبر لمن الولد قاعد يؤذي والبنت ماتبغى وقاعد يؤذيها ا سواء بالسيارة أو بحركات أو بألفاظ وهذا يخل تحت مسمى التحرش الجنسي وهذا في امريكاا أسمو سيكشول ها راسمه وعليه قوانين صارمة جدا وأحيانا الكلمة يعتبروها سيكشول ها راسمه عجبني في بعض الدول يعتبرو حتى الغمزة يعني لو واحد غمز لبنت يعتبر يعني أذاها أحيانا الخلل يكون على البنت يعني الشاب ماشي في حالوا في أمان الله بعدين يشوف منظر يستثيره في السعودية مثلا عباية ضيقة جدا في بعض الأوضاع يعني لاتناسب خارج السعودية لمن يكون مافي عبي بعض الأمور الوو ويست عند النساء أو يلبسوا المفتوح يبينو البطن يعني يكون الشاب في حاله فير ى هذا النظر فيستثار
شفنا 4 بنات يمشوا في شارع التحلية شارع التحلية معروف انو شارع يعني فيه طبعا أسواق وفي مولات كثيرة ولكن أيضا تكثر فيه المعاكسات فهذي السيارة جلست نص ساعة تمشي في نفس الشارع وترجع تلف وترجع وأربع بنات وبعدين أسلوب تلفتهم أتمنى تكون الكاميرا لقطت الموضوع أسلوب تلفتهم وحركتهم على السيارات
هنا معليش غلطت بنات طبعا هنا الأربع سيارات كلهم واقفين ورا اليموزين لفو على نفس الشارع 3-4 مرات قاعدين يدورو يعني بدون هدف صار لنا ثلث ساعة ماشين ورا السيارات وعندنا السيارة الهوندا هنا ماشاءالله صار لو ثابت معانا 20 دقيقة
الآن انتم الى جالسين تلفلفو في نفس المكان بدون هدف وبعدين تقولوا يعاكسونا هنا نضع اللوم على البنت عشان نكون منصفين
إحنا بنتكلم على ظواهر مابنتكلم على أشخاص فحريصين انو كل السيارات يتم يعني نخبي اللوح حقتها لو في وجوه تستخبى لأنو الهدف ليس الحديث عن أشخاص بعينهم ولكن عن ظواهر تحصل في المجتمع نتمنى أن تعالج فهذي نقطة مرة مهمة طبعا البنات لمن شافونا خافوا أو جو اشر ولنا بس انشاءالله سليمة
الأماكن العامة عزيزاتي وأعزائي هي حق عام للرجال وللنساء على حد سواء ماحد قال انو الامكان العامة والشوارع هي مخصصة للرجال فقط بعض الناس يطالب أن المرآة تبقى في البيت فقط ويعتقد أن المعاكسات ستنتهي لمجرد أن المرآة بقت في البيت المرآة كانت في المدينة المنورة تتحرك في كل مكان تمشي في الشوارع تذهب للمساجد وقال صلى الله عليه وسلم لا تمنعوا إماء الله أن يذهبوا الى المساجد وكانت تذهب الى السوق والكلام في هذا يطول
ولكن خلاصة الأمر إذا في بنت أو امرأة او أخت واقفة كانت في الشارع فهناك 20 ألف احتمال يدخلو تحت حسن الظن بها
إحنا شفنا هنا الموقف وقفوا وبعدين سيارة وقفت وكلمتهم وبعدين رجعو ووقفو كلموهم تاني, لو سألنا ايش هو المغزى الى خلا الشباب يسو كيدا طبعا سوء الظن اساؤ الظن بالبنات بعض الناس حيقولو والله الغلط على البنات إحنا البنتين الى اخترناهم الآن كانو محجبات يعني ماكانو ولا لابسين مثلا عباية مخصرة ولاحا طين ميك أب زيادة كانو محجبات صحيح كانو كاشفات الوجه ولكن يندرج هذا تحت الحجاب ذكرنا الموضوع عدة مرات في اغلب المذاهب على إن عورة المرآة كلها إلا الوجه والكفين فهي تعتبر بشرع الإسلام مستترة وليست متبرجة
- في دبي قانون جميل جدا انو يشهر بالمعاكسين يعني توضع صورهم في الجرائد وقد يسجنو لمدة شهر تعليمات صارمة
مرة أخرى مابنتكلم على شاب قاعد بيعاكس والبنت كمان معاه وراضية لا بنتكلم على شاب اذاااااااا البنت فيستحق أن يشهر به ويعاقب
المصدر: http://www.thakafa.net/vb/showpost.php?p=601225&postcount=1