|
|
|
| أحمد الشقيري |
مصري: عباس العقاد هاتاخد كام مني
السائق: ها تدفع كام
مصري: شوف أنت هاتاخد كام
السائق: 15 جنيه مش هاقول 20
مصري: طيب السلام عليكم
خليجي: السلام عليكم كيف حالك.. طيب .. لو سمحت عباس العقاد .. بكام إن شاء الله.
السائق 2: أنت عايز تدفع كام
الخليجي: لأ قوللي .. كام
السائق: هاقولك على حاجة علشان أنا باكلمك من الآخر البلد زحمة .. مشوار طويل .. اللي هاتقول عليه هاخده ..
الخليجي: طيب بدي أعرف أنا
السائق: طيب ما تركب لما تشوف المشوار
الخليجي: لا قوللي كام
السائق: يا عم اركب
الخليجي: اديني سعر بس
السائق: يابا اركب
الخليجي: اديني سعر
السائق: يابا اركب
الخليجي: يابا اديني سعر
السائق: موش هاتلاقي أحسن مني تركب معاه
الخليجي: إن شاء الله .. اديني سعر
السائق: يابا أركب
الخليجي: طيب أنا
السائق: موش هاخد منك 100 جنيه والمبلغ اللي في دماغك ده
الخليجي: بس قولي سعر بس .. اعتبرني زبون عندك طيب سايح في البلد فقولي بكام يعني
السائق: أنت عايز تدفع كام
الخليجي: أنا ما باعرف ما باعرف أنا
السائق: أول عباس العقاد ولا آخره
الخليجي: الحديقة الدولية
السائق: 30 جنيه
الخليجي: 30 جنيه
يعني هي مشكلة في الحقيقة موجودة في التاكس بشكل عام السعر ما هو ثابت فيه واحد قاللي 30 فيه واحد قاللي 25 والأخ أحمد المصري اللي قابلي اللي كان واقف هنا واحد قالوا 15، فهذا التغيير في الأسعار أولا بيزعزع الثقة بين الزبون وبين العميل، وأنا أعتقد أن هذا سمعة سيئة للسياحة صراحة يعني.
طيب هذا موضوع إيجابي إنه نذكره هذا المثل موضوع استخدام التاكسي كاب فيه عداد كمان، ممكن يعطيك إيصالا ممكن يأخد فيزا كارد.. استخدام التكنولوجيا وتنظيم الأمور ها يروج السياحة في أي بلد ودائما نؤيد تنظيم الأمور في موضوع الأسعار كمثل إيجابي يعوض عن الخلل الموجود في بعض البلدان العربية فيما يتعلق بالتاكسي.
في تاكسي كاب
ممنوع التدخين هنا
السائق: لأ ممنوع التدخين هنا طبعا
أنا أشجع دائما عادة عدم التدخين
وهو الزبون الأجنبي يمكن بيرتاح معاكم إن السعر معروف
السائق: السعر معروف للأجانب لأن الأجانب يحبوا يتفقوا قبل ما يركبوا فلما يلاقي السعر معروف يبقى ما فيش اختلاف ... والعرب ما فيش اختلاف العداد هنا يقطع 100 جنيه هو عارف إن فيه عداد حكم بيني وبينهم يدفع وهو مرضي.
هو التاكسي بيغلى على العرب
السائق: فيه آه بعض السواقين بينتهزوا فرصة أن العرب هنا مش عارفين الأسعار ويغلوا عليه.
وهذه علاجها موجود في موضوع العداد؟
السائق: علاجها في موضوع العداد والعداد بيبقى حكم بيني وبينهم وبين الزبون
إحنا عندنا نفس المشكلة برضه إن التكاسي والليموزينات ما فيها عداد
أوكي.. كمان بيديك ريسيت والله الواحد بينبسط لما بيشوف حاجة زي كده في العالم العربي
السائق: الحمد لله.
طبعا إحنا بنؤيد النظام والترتيب واستخدام التكنولوجيا
السائق: الحمد لله مافيش مشاكل ولا حاجة والناس مننا مبسوطة.
إحنا غطينا موضوع التكاسي لأنه واحد من الأمور الأساسية للسياح، فالسياح دايما لما يأتون البلد المواصلات دايما أمر أساسي فترتيب وتنظيم أمور المواصلات في الدول العربية هي واحد من أهم الأمور في ترويج السياحة.
شفنا ثلاثة أمور.
شفنا مصري طلب تاكسي وكم التسعيرة كانت
بعدين أنا جيت وكانت التسعيرة أعلى بسبب إن أنا عربي أو خليجي
ثم شفنا فكرة رائدة وممتازة أتمنى أن تعمم ليس فقط في مصر ولكن في كل الدول العربية وهي موضوع السيتي كاب وموضوع العداد الموجود تجربة وجدتها فقط في دبي لم أجدها في السعودية ولم أجدها في بلاد عربية أخرى.
المصدر: http://www.alresalah.net/morenews.htm?id=720_0_2_0