|
|
|
| محمود المصري |
شفت لما جعل ذكر السابق بالخيرات قال بإذن الله لأن انت لو حبيت تعمل أى خير إنما الذي يوفقك لهذا الخير هو الله سبحانه وتعالى إذا سألت فاسأل الله وإذا ا ستعنت فاستعن بالله حتى عند التوبة تأكد إنك مبتوبش إلا إذا ربنا وفقك للتوبة قال جل فى علاه ثم تاب عليهم ليتوبوا يا الله فربنا يرزقك بالتوبة فتتوب فيقبل توبتك شفت أد إيه هو ودود ورحيم ليك مين رب غيره سبحانه وتعالى هو فيه أحن عليك من الله سبحانه وتعالى النبى صلى الله عليه وسلم يقول كما عند البخارى لله أرحم بكم من رحمة الأم بطفلها الرضيع ي الله بيضرب النبى صلى الله عليه وسلم بهذا المثل إن مفيش رحمة فى الدنيا أعظم من رحمة الأم بطفلها الرضيع يمكن رحمة الأم بإبنها الكبير جميلة لكن لا يمكن توصل أبدا لرحمتها بالطفل الصغير الذى لا حول له ولا قوة أد إيه بتحس هى بشوق ليه وحب وحنان لأنه كائن ضعيف لا يملك لنفسه ضرا ولا نفعا فهى بتحس إنه هو محتاج لها وبتحس إنه من غيرها ممكن يموت وممكن يضيع فعشان كده هى بتحبه وبتحن عليه فالله أرحم بكم من رحمة الأم بطفلها الرضيع ،
تعالوا نرجع لموضوعنا مع السابقون ، السابقون هم ليه سبقوا لكن لكن لسه فيه ناس عايزة تسبق كما قال الله عزوجل من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا ) فمنهم من قضى نحبه دول السابقين أهوه ومنهم من ينتظر دول سابقين برضه ثلة من الأولين وثلة من الآخرين ربنا يجعلنا وإياكم من هذه الثلة المباركة آه فى ناس صدقت فى زمن الصحابة فى عهد النبى عليه الصلاة والسلام وفى ناس تانية بتصدق وما جعل الصدق فى هذه الأمة الميمونة المباركة وأمة النبى صلى الله عليه وسلم كالمطر لا يدرى أولها خير أم آخرها المهم إن احنا عايزين نقتدى بهؤلاء الصحب الكرام ونقتدى قبل ذلك بالنبى صلى الله عليه وسلم لقد كان لكم فى رسول الله أسوة حسنة لمن كان يرجوا الله واليوم الآخر وذكر الله كثيرا تعالوا نشوف النهاردة الموضوع الجديد بالنسبة لموضوع علو الهمة إزاى إن الهمة دى تعلو إزاى إن احنا يبقى عندنا همة عالية وإزاى الهمة دى ننميها ونعليها أكتر وأكتر حتى نصل إلى اجنة الفردوس إن شاء الله جل وعلا احنا النهاردة الحلقة رقم خمسة وزى ما بنقول كل مرة النهاردة خمسة رمضان يعنى عدت خمس ليالى والمولى عزوجل له عتقاء من النار كل ليلة يا ترى اتعقت رقبتك فى الخمسة اللى فاتوا طب يا ترى هتعتق فى الخمسة وعشرين اللى فاضلين اقعد كدا طول رمضان طول ما انت عايش كدا قول يا رب عتقت رقبتى الليلة دى طب لو مكنتش عتقتها الليلة دى أسألك بأسمائك الحسنى وصفاتك العلى وبإسمك الأعظم إنك تعتق رقبتى فى الليلة دى يمكن ما أعيش لبكره يا رب أنا مضمنش أعيش يا رب اعتق رقبتى ما هو لو عتق رقبتك مرة فلن يأسرك بالمرة هى دى المسألة ما انت ممكن تقول طب ما ممكن يعتق رقبتى الليلة دى وبعد كدا بعد رمضان أعصى ربنا فاقسوا أقولك متخافش اطمئن الكريم جل وعلا إذا أعطى الهدية فلن يرجع فيها أبدا حاشى لله سبحانه وتعالى زى ما النبى صلى الله عليه وسلم قال لأهل بدر قال صلى الله عليه وسلم لعل الله اطلع على أهل بدر فقال اعملوا ما شئتم فقد غفرت لكم وأهل بدر ازدادوا طاعة بفضل الله سبحانه وتعالى لأنهم اتعلموا الكلام ده من النبى الذي كان يقوم حتى تتورم قدماه وأمنا عائشة تقول له يا رسول الله انت تفعل بنفسك هكذا وقد غفر لك ما تقدم من ذنبك وما تأخر فيقول لها أفلا أكون عبدا شكورا يا عائشة سبحان الله فالصحابة اتعلموا ده أول ما النبى قالهم كدا مقالوش بس الحمد لله ربنا غفر لنا فبراحتنا أبدا ازدادوا طاعة لله سبحانه وتعالى لما النبى بشر أربعين من الصحابة بجنة الرحمن الناس عارفة العشرة المبشرين لا دا فى ثلاثين كمان مبشرين بالجنة بفضل الله مع دراستى فى كتاب أصحاب الرسول صلى الله عليه وسلم لقيت ان فى أربعين صحابى بشروا بالجنة اللى بشروا بالجنة قبل ما يبشروا بالجنة كان حالهم عامل إيه وبعد ما بشرو بالجنة بقا حالهم عامل إيه اختلف ؟
آه والله اختلف أختلف لإيه للأقل يعنى خلاص ضمنوا الجنة وخلاص أبدا ازدادوا طاعة ازدادوا شكرا للخالق جل جلاله سبحان الله شئ عجيب جدا فاحنا النهاردة عايزين نشوف ازاى الهمة تعلو ازاى ان احنا كل لما نزيد وكل لما الهمة تعلو إزاى نعليها أكتر ومنكتفيش بقدر شوف من أردا المنزل العليا فى الجنة احفظ الكلام ده من أراد المنزلة العليا فى الجنة فلابد أن يكون فى المنزلة العليا فى العبادة وطلب العلم والدعوة إلى الله فى الثلاث حاجات دول يبقى فى المنزلة العليا طول ما انت عايز درجة أعلى طب خلاص خليك انت درجة أعلى اللى هتقدموا هنا هتلاقيه هناك قال الإمام ابن القيم رحمه الله رحمة واسعة للعبد بين يدى ربه جل وعلا موقفان موقف فى الصلاة وموقف يوم القيامة فإن أحسن العبد وقوفه فى الصلاة بين يدي الله أحسن الله وقوفه يوم القيامة وإن أساء العبد وقوفه بين يدى الله فى الصلاة فخلاص يبقى ضيع نفسه بين الآخرة والدنيا ربنا يعافينا ويعافيكم يا رب العالمين ويجمعنا وإياكم فى الفردوس الأعلى تعالوا نشوفوا النهاردة جملة جميلة جدا أو جملتين هنبدأ بيهم لقاء النهاردة ونعيش من خلالهم مع لقاء النهاردة قال الإمام ابن القيم رحمه الله رحمة واسعة والإمام القيم صاحب الكلام القيم أسأل الله عزوجل أن يجعل ذلك فى موازين حسناته قال الإمام القيم رحمه الله رحمة واسعة لابد للسالك مين السالك اللى عايز يوصل للفردوس الأعلى اللى عايز يوصل للجنة اللى عايز ربنا يرضى عنه لابد للسالك من همة تسيره وترقيه خد بالك هقولك الجملة ونعيش معاها بقا شوية بس تصلى على حبيبك صلى الله عليه وسلم لابد للسائر من همة تسيره وترقيه ومن علم يبصره ويهديه كلام عالى أوى كلام عالى جدا جدا شوف بقا المعانى الجميلة دى لو عشتها هتحس أد إيه علو الهمة دا شئ عظيم جدا إحنا طبعا ابتداءا من الحلقة الجاية إن أحيانا الله عزوجل هنتعايش بقا مع الأمثلة الجميلة فى علو الهمة عند الشباب وعند الشيوخ وعند النساء عند الصبيان وعلو الهمة فى مجالات مختلفة فى التوكل وفى الحياء وفى الصبر وفى الرضا علو الهمة فى حاجات كتيرة جدا عايزين نعيشها عشان تتحول حياتنا إلى نموذج عالى جدا للإنسان المسلم اللى عايش وهو فى حياته قدوة للبشرية كلها قال جل فى علاه ( كنتم خير أمة أخرجت للناس )
احنا أفضل أمة يا جماعة أفضل أمة بلا منازع دا مش كلامى إوعى تقول دا متحيز بقا دا كلام ربنا وكلام نبينا صلى الله عليه وسلم اسمع كلام ربك قال جل فى علاه ( كنتم خير أمة أخرجت للناس ) للناس مش لنفسنا بس لأ للدنيا كلها دعوتنا عالمية يا جماعة دعوتنا لازم توصل للكل وهتوصل إن شاء الله قال صلى الله عليه وسلم كما عند أحمد بسند صحيح ولن يترك الله بيت مضر ولا بيت وبر إلا أدخله الله هذا الدين بعز عزيز أو بذل ذليل مفيش بيت على وجه الأرض كلها وعلى فكرة دا لسه محصلش لا فى زمن النبى ولا فى زمن الصحابة ولا فى زمن التابعين لسه هيحصل فى الزمن اللى جاى ولن يترك الله بيت مضر ولا بيت وبر إلا أدخله الله هذا الدين بعز عزيز أو بذلك ذليل عزا يعز الله به الإسلام وأله وذلا يذل به الكفر وأهله سبحان الملك هيوصل الإسلام لكل بقاع الأرض هيوصل الإسلام لكل بقاع الأرض وكما قال ربعى بن عامر رضى الله عنه وأرضاه ورحمه الله رحمة واسعة صحابى النبى صلى الله عليه وسلم هذا الرجل الأعرابى البسيط لما دخل على رستم قائد جيوش الفرس دخل على القصر بتاعه بقا لقا الديباج والحرير والذهب والألماظ وشئ فوق الخيال فلما دخل قال له رستم من أنتم وما الذى جاء بكم إلى هنا وضح له وظيفة المسلم فى كلمات بسيطة جدا جمعت كل وظيفة المسلم وحياته في كلمات بسيطة قال نحن قوم ابتعثنا الله لنخرج العباد من عبادة العباد إلى عبادة رب العباد ومن جور الأديان إلى عدل الإسلام ومن ضيق الدنيا إلى سعة الآخرة آظن الكلام واضح جدا جدا خد بالك
ويقول جل وعلا ( وكذلك جعلناكم أمة وسطا لتكونوا شهداء على الناس ويكون الرسول عليكم شهيدا ) أمة وسط لتكونوا شهداء على الناس قال صلى الله عليه وسلم كما فى الحديث الذى رواه البخارى أن الحبيب صلى الله عليه وسلم قال يدعى نوح يوم القيامة دا مشهد من مشاهد يوم القيامة هتشوفه إن شاء الله يدعى نوح يوم القيامة فيسأله ربه جل وعلا يا نوح هل بلغت رسالتك سيدنا نوح يا جماعة اللى دعا تسعمائة وخمسين سنة ألف سنة إلا خمسين عاما تخيلوا تسعمائة وخمسين سنة دعاهم ليلا ونهارا سرا وجهارا لم يفتر عن دعوته أبدا ومع ذلك فى التسعمائة وخمسين سنة دولا على روايتين بعض الروايات بتقول إن هو أسلم على إيديه 13 واحد وبعض الروايات بتقول 80 يعنى قول 80 فى تسمعائة وخمسين سنة يا الله إيه الصبر دا كله عشان كدا يضرب به المثل صبر نوح فى الدعوة تسعمائة وخمسين سنة النهاردة يعنى لو داعية راح مسجد وراح يدعى درسين تلاتة ولقى الناس مبتستجبش يلم العدة ويمشى علطول ساعتها يعنى يزهق بسرعة شوف سيدنا نوح ضرب مثل عجيب ولم يسكت عن الدعوة إلا لما جاءه أمر المولى عزوجل يعنى قال المولى جل وعلا ( وأوحى إلى نوح أنه لن يؤمن من قومك إلا من قد آمن ) خلاص ( فلا تبتئس بما كانوا يعملون واصنع الفلك بأعيننا ووحينا ) خلاص سبحان الملك سيدنا نوح تسعمائة وخمسين سنة المولى عزوجل وهو أعلم جلا وعلا فيقوله يا نوح هل بلغت رسالتك فيقول نعم يا رب فيسأل ربنا قوم نوح هل بلغكم نوح رسالته قالوا ما جاءنا والله ما شفنا إحنا هنخبى يعنى ما جاءنا من نذير وما جاءنا من بشير يعنى شوف لدرجة إيه كإنهم بيقولوا نوح قدامكم عليه السلام أهوه شفتوه قالوا والله ما شفناه ولا حتى جالنا أبدا يعنى ما جاءنا من بشير وما جاءنا من نذير فقال جل وعلا يا نوح أنكرت أمتك من يشهد لك يا نوح هو دا الشاهد بقا من يشهد لك يا نوح قال يشهد لى محمد وأمته يا الله اللهم صل وسلم وزد وبارك على قرة أعيننا محمد بن عبد الله قال يشهد لى محمد وأمته قال صلى الله عليه وسلم فتدعون فتشهدون يعنى لنوح وأشهد عليكم فذلك قوله جل وعلا ( وكذلك جعلنكم أمة وسطا لتكونوا شهداء على الناس ويكون الرسول عليكم شهيدا )
أمتنا يا جماعة يوم القيامة احنا كام أمة منذ خلق آدم عليه السلام إلى قيام الساعة هى كام أمة بالظبط هى ورد فيها أحاديث صحيحة آه ورد فيها أحاديث صحيحة أمتنا كام أمة الأمم دى كام أمة سبعين أمة احنا أمة رقم كام رقم سبعين تصدق الكلام دا كلام حبيبك قال صلى الله عليه وسلم أنتم تتمون يوم القيامة سبعين أمة أنتم أكرمها وأعزها على الله عزوجل تخيل بقا احنا أعظم وأعز أمة عند الله سبحانه وتعالى أنتم أكرمها وأعزها على الله عزوجل وجل الأمم دى كلها سبعين أمة آخرها أمة النبى صلى الله عليه وسلم لما نيجى نخش الجنة إن شاء الله احنا بالنسبة لهم بالنسبة والتناسب هنبقى أد إيه فى الجنة تخيل بقا كدا سبعين أمة هتخش الجنة أو هيخش بعضهم الجنة بالله عليك تتقسم إزاى تقول يعنى ممكن من كل أمة شوية واخد بالك اللى هيخشوا الجنة ربنا يعنى اللهم هما عملوا عمل يرضى ربنا سبحانه وتعالى لا دا فيه حاجة بقا ويمكن متصدقهاش تخيل إن أمتنا تلتين أهل الجنة يا شيخ محمود قول كلام غير ده والله العظيم تلتين أهل الجنة طيب إدينا الدليل زى ما عودتنا حاضر بس تصلى على حبيبك صلى الله عليه وسلم قال صلى الله عليه وسلم أهل الجنة مائة وعشرون صفا ثمانون منها من أمتى وأربعون من سائر الأمم يعنى 120 صف طبعا مش صف صغير كدا صف بقا ما شاء الله فاهم إزاى فـ 80 صف من صفوف الجنة دى كلها من أمة النبى محمد صلى الله عليه وسلم و 40 صف توزع على 69 أمة عرفت بقا أد إيه الأمة دى عزيزة عرفت أد إيه الأمة دى غالية اعلى المولى سبحانه وتعالى دا كفاية إن من ضمنهم بس سبعين ألف هيدخلو الجنة بدون حساب ولا عزاب والنبى صلى الله وسلم فاستزدت ربى فى رواية فزادنى مع كل واحد سبعين ألفا وفى رواية تانية فزادنى مع كل ألف سبعين ألفا وثلاث حثيات من حثيات ربى كل دول يخشوا الجنة بفضل الله بلا حساب ولا عذاب يا الله لك أن تتخيل بقا عظمة ان انت بتنتسب لهذه الأمة المحمدية
ومما زادنى فخرا وتيها وكدت بأخمصى أطأ الثريا
دخولى تحت قولك يا عبادى وأن أرسلت أحمد لى نبيا
ما تصلى على أحمد صلى الله عليه وسلم تعالى نشوف الكلمات الجميلة اللى قالها الإمام ابن القيم قال الإمام رحمه الله رحمة واسعة لابد للسالك من همة تسيره مش كفاية وترقيه ومن علم يبصره ويهديه نبص على الكلمتين دول فى الحلقة دية لابد للسالك الإنسان اللى ماشى فى طريق ربنا الإنسان اللى ماشى فى طريق الجنة اللى ماشى خلف النبى محمد صلى الله عليه وسلم لابد للسالك من همة الهمة دى على حسب بقا قوة الهمة بتاعتك همتك إيه ربنا يرضى عنى وأعمر الكون وأخدم بلدى وأربى أولادى وأكرم زوجتى وأعمل وأسوى فاهم إزاى وأوصل الفردوس الأعلى وأكون فى صحبة النبى صلى الله عليه وسلم فى الجنة أنا همتى متوصلنيش لأقل من كدا طيب ما انت محتاج بقا طول ما انت ماشى إنك تعلى الفولت شوية شويتين وتعلا تانى ومتقفش ومثبتش لأن الإيمان يا جماعة مبيثبتش الإيمان بيزيد وينقص يزيد بالطاعة وينقص بالمعصية أو بالغفلة عن طاعة الله عزوجل ولذلك الحديث اللى رواه مسلم لما حنظلة قابل أبوبكر قاله إيه قاله نافق حنظلة قاله كيف ذلك قاله نكون عند النبى صلى الله عليه وسلم فيكلمنا عن الجنة والنار فكأنا رأى عين كأننا شايفين الجنة والنار بعنينا فإذا خرجنا من عند رسول الله صلى الله عليه وسلم عافسنا الأزواج والأولاد والضيعات ذهب ما نجد قال أبو بكر إئنك لتجد ذلك قال أجل قال وأنا برضه والله نفس الحكاية كأن أبوبكر عايز يقول نافق أبو بكر تخيل أبو بكر أفضل الخلق بعد الانبياء والمرسلين عايز يقول عن نفسه إن هو نفس الحكاية فالاتنين راحوا للنبى صلى الله عليه وسلم أو ما دخلوا على النبى صلى الله عليه وسلم فالنبى صلى الله عليه وسلم شاف حنظلة لقاه مضطرب كدا ما بك يا حنظلة قال يا رسول الله نافق حنظلة قال وما ذاك شوف بقا صلى الله عليه وسلم قال وما ذالك قال يا رسول الله نكون عندك فتكلمنا عن الجنة والنار فكأنا رأى عين فإذا ما خرجنا من عندك وعافسنا الأزواج والأولاد والضيعات ذهب ما نجد فالنبى صلى الله عليه وسلم وضح له المنهج قال لو أنكم تدومون على ما تكونون عندى لصافحتكم الملائكة على فرشكم وفى الطرقات ولكن يا حنظلة ساعة وساعة ساعة وساعة ساعة وساعة فى ناس فهمت الحديث دا غلط يقطع ويشتغل ساعة يقولك ساعة لربك وساعة لقلبك وساعة ربك مبتجيش أبدا يفضل ليل ونهار أكل وشرب ومسلسلات وأفلام ومسرحيات وجرى ورا المصايف ودا وأول ما يسمع الله أكبر ولا كأن الأذان دا ليه خالص ولا كأن النداء ده ليه بالمرة واخد بالك ساعة لقلبك وساعة لربك لأ دا حياتك كلها لله ( قل إن صلاتى ونسكى ومحياى ومماتى لله رب العالمين لا شريك له وبذلك أمرت وأنا أول المسلمين )
وأنا أول المسلمين إيه معناها أنا بقول وأنا أول وانت بتقول وأنا أول وانتى بتقولى وأنا أول الله يبقى فيه تسابق آه مش ربنا قالك كدا ( وفى ذلك فليتنافس المتنافسون ) الحق خش مضمار السباق أقف دلوقتى استعد استنى بس صفارة الانطلاق وانطلق اجرى كأنك داخل سباق 100 متر انت عارف اللى داخل سباق 5 كيلو أو 10 كيلو آه دا ممكن ياكل شوية ويستريح شوية وينام شوية ويجرى شوية لسه المسافة قدامه كبيرة إنما 100 متر معنديش وقت أبص يمين ولا شمال اجرى ألحق خش يلا فى السباق اشتغل قدامك جنة عرضها السماوات والأرض مفيهاش لا شقاء ولا جوع ولا عطش ولا مرض ولا عجز ولا ضيق ولا تعب ولا هم ولا غم ولا حزن ولا رياء ولا نفاق ولا ظلم مفيش أى حاجة خالص كل ما فيها جميل لأن الذى أعدها الملك فيها ما لا عين أت ولا أذن سمعت ولا خطر على قلب بشر يبقى لابد للسالك من همة يا جماعة تسيره تمشى أول ما تمشى عامل زى إيه عارف التروس بتاعة العربية اللى فيها الفتيس بتاعها أربع نقلات وللا خمسة أول فتيس بيبقى الترس بتاعه ضخم جدا ليه عشان هو دا اللى بيحمل العربية انها تبتدى تتحرك لكن حركته بطيئة بس قوية فاهم إزاى ابتدى بطئ شوية ماشى بس تبقى قوى وثابت وراسخ فاهم إزاى من همة تسيره الترس الأولانى خلاص اشتغل مسكتش بقا راح ناقل على التانى وإلا الموتور هيفوت وراح ناقل على التانى التانى أضعف شوية بس أسرع فاهم إزاى التالت الرابع الخامس بقا على آخر سرعة بس إوعى تجيب مرشدين لاحسن كدا هترجع ورا لأ أن عايزك تفضل ماشى آه هييجى عليك أوقات هتمور هتلاقى عندك فتور لما تلاقى عندك فتور اصحب بقا الناس اللى بتجرى فلما تبص للى بيجرى هتجرى معاه ما هو شوف خد بالك هتصاحب واحد بيصلى الفجر هتقوم انت تصلى قيام الليل ليه لأنه بيحفزك أهو بيصلى الفجر طب ما أصلى الفجر معاه وكمان أزود بقيام الليل هتصاحب واحد لا بيصلى ولا ليه علاقة بربنا هتبقى زيه الصاحب ساحب لا تصاحب إلا مؤمنا ولا يأكل طعامك إلا تقى الرجل على دين خليله فلينظرأحدكم من يخالل مثل الجليس الصالح وجليس السوء كحامل المسك ونافخ الكير دا كلام حبيبك صلى الله عليه وآله وسلم فلابد للسالك من همة تسيره مشيت خلاص إوعى تقف مكانك متكتفيش بكدا وتقول الحمد لله أنا أحسن من غيرى ومبتصش لأقل منك فى أمر الدين بص لأعلى منك طب فى أمر الدنيا بص للى أقل منك ليه فإنه عسى ألا تزدروا نعمة الله عليكم ربنا كارمك بعربية سيات ا لحمد لله رضا بتلات عجلات زى الفل جميل أوى عندك فزبة عسل ما شاء الله قمر إنما بقا تبص للى عنده شبح لأ مش انت ماشى وهو ماشى مش انت بتوصل هو بيوصل وانتوا الاتنين بتقفوا فى إشارة واحدة إنما فى أمر الدين لأ مطيقش إنى أتحمل إن حد أحسن منى فى الدين بس مش معنى كدا إنك تحقد عليه إنما تغبطه تتمنى أن يكون عندك مثل ما عنده دون تمنى زوال ما عنده يا رب ارزقنى زيه أو أحسن منه إنما متقولش يا رب اخسف به الأرض فى ناس صعبة لا تتمنى الخير لنفسها ولا لغيرها دا بيفكرنى باتنين كان محكوم عليهم بالإعدام فواحد فيهم طيب جدا وابن حلال بس وقع فى مشكلة فعمل القضية دى فيتعدم والتانى بؤرة نكد ربنا يعافينا ويعافيك فجه اللى بينفذ حكم الإعدام فبيقول للطيب ده قاله إمنيتك إه يا ابنى قبل ما تتعدم قاله ممكن تنفذلى أمنيتى قاله طبعا أنا أمرت إنى أنفذلك أمنيتك قاله أمنية حياتى إنى أشوف أمى قبل ما أموت قاله طيب خلاص فراح للتانى اللى هو بؤرة نكد ده قاله وانت بتتمنى إيه قبل ما تموت قاله بتمنى إن هو ميشوفش أمه طيب هو خسران إيه متعرفش إنما هو فى ناس كدا ربنا يعافينا ويعافيك الشاهد فى الموضوع يبقى لابد للسالك من همة تسيره وترقيه مشيت يللا كمل اطلع الحمد لله بدأت تعمل إيه ختمت جزأ عم يللا اللى بعده تبارك قد سمع خش يللا من أول البقرة كمل يللا مع القراءة تفسير ومع التفسير قيام ليل صلى قيام ليل عشان القرآن يثبت فاهم إزاى طلب علم يللا روح الزم شيخ من المشايخ واتعلم على إيديه دعوة إلى الله بر والدين روح بوس إيد أمك وأبوك صالحهم أكرمهم فاهم إزاى يللا اتجوز عشان سنة النبى عليه والصلاة والسلام يللا خلف عشان تجيب عيال يعبدوا ربنا يللا ارتقى كل يوم لازم يكون حاجة جديدة فى حياتك كمؤمن انت نفسك فى أمور الدنيا تقول نفسى أتنقل كل يوم من لذة للذة طيب زى ما انت عايز تتنقل فى الدنيا من لذة للذة ما انت فى الجنة عايز تنتقل من درجة لأعلى وده مش هيكون إلا بقربك من ربنا وإلا بعبادتك لله سبحانه وتعالى لابد للسالك من همة تسيره مش كفاية وترقيه ابدأ بقا اترقى الحمد لله النهاردة ربنا أكرمنى والحمد لله وخد بالك بقا قليل دائم خير من كثير منقطع ويكفينا قول النبى صلى الله عليه وسلم الحديث فى الصحيحين أحب الأعمال إلى الله أدومها وإن قل ابدأ بقليل مش مشكلة هتقول دا لسه قدامى كتير عقبال ما أوصل يا عم ربنا ابدأ بس وربنا يكرمك إن شاء الله وهتوصل للى انت عايزه بس ابدأ وانطلق لابد للسالك من همة تسيره وترقيه هى دى الهمة اللى احنا بنتكلم عنها انت يبقى عندك همة إن رمضان السنة دى مش ممكن يبقى زى أى رمضان لازم يبقى رمضان تانى خالص مميز لازم أستقبله استقبال جديد خالص يا جماعة مينفعش زى كل سنة بتستقبله بفتور أو مش عارف أو مثلا بستقبله بإقبال فى أول عشر أيام وبعد كدا يحصل بقا نوم وفتور والكلام ده لا لا من أوله لآخره تلاتين يوم عبادة عشان أوصل لليلة القدر عشان قبل دا كل أوصل لمرضاة الله عشان ربنا يرضى عنى ولو ربنا رضى عنك هيغنمك ليلة القدر هيعتق رقبتك من النار هيدخلك الجنة هيخليك فى صحبة النبى هينعم عليك بأعظم نعمة وهى النظر لوجه الله وجوه يومئذ ناضرة إلى ربها ناظرة للذين أحسنوا الحسنى وزيادة يبقى لابد للسالك من همة تسيره وترقيه خد بالك بقا ومن علم يبصره ويهديه أصل لو سلكت الطريق دا من غير علم هتضيع هتيجى بقا تخش بحماس تقول بس الحمد لله بحب ربنا وبحب الصلاة وإن شاء الله هصلى الظهر النهاردة 48 ركعة زيادة الخير خيرين يا عم إيه المشكلة دا ربنا يا أخى كريم وياما إدانى سبحان الله نويت أصلى الظهر 48 ركعة الله أكبر ولا يتقبل منك ولا ركعة ليه ما هو النبى صلى الله عليه وسلم قال صلوا كما رأيتمونى أصلى هو أنا بعمل معصية فى ناس تقولك كدا هو أنا بعمل معصية دا أنا بصلى يا عم بسجد لربنا أقولك برضه ميقبلش ليه لابد أن يكون العمل على هدى رسول الله صلى الله عليه وسلم شرطين لقبول العمل إخلاص ومتابعة إخلاص بعمل عمل لم وكيف عملته ليه لله يبقى يقبل طب كان على هدى رسول الله وللا ابتدعت فيه آه ابتدعت يبقى ميقبلش خدت بالك لابد من إخلاص ومتابعة عملته ابتغاء مرضات الله وعلى هدى رسول الله صلوا كما رأيتمونى أصلى خذوا عنى مناسككم يبقى لابد للسالك من تسيره وترقيه ومن علم يبصره ويهديه طول ما بتتعلم طول ما انت بتبذل جهد فى إن انت تتعلم كيف تعبد الله فيه يا جماعة علوم دى فرض عين على كل مسلم اتعلم فقه الطهارة فقه الصلاة مش بتصلى لازم تتعمل هتصلى إزاى دخل عليك ارمضان فقه الصيام دا فرض علين عندك فلوس هتزكى لازم تتعلم فقه الزكاة دا فرض عين هتحج يبقى تتعلم فقه الحج دا فرض عين هتتجوز لازم تتعلم فقه النكاح أمال هتتجوز وانت مش عارف الاجواز إيه وضعه هتتطلق وانت مش عارف بتلطق إزاى لازم تنظم حياتك وتعيش دينك بما يرضى الله سبحانه وتعالى وعلى هدى رسول الله صلى الله عليه وسلم واعلم انت تفاوت الناس درجات الناس بتفاوت الهمم بنقول يا جماعة الهمة دى رزق ربنا بيسوقه إليك هنكمل الموضوع دا إن شاء الله الحلقة الجاية انتظرونا غدا إن شاء الله أسأل الله سبحانه وتعالى أن يجمعنا مع أهل الهمم ومع أهل القمم مع النبى صلى الله عليه وسلم ومع أصحابه ومن تبعهم بإحسان إلى يوم الدين سبحانك الله وبحمدك أشهد ألا إله إلا أنت أستغفرك وأتوب إليك وصلى الله على سيدنا محمد وعلى آله وصحبه وسلم والسلام عليكم ورحمة الله وبركاته
المصدر: http://www.alresalah.net/morenews.htm?id=274_0_2_0