|
|
|
| محمود المصري |
اتكلمنا في الحلقة اللي فاتت النهاردة الحلقة رقم تلاتة ، عن مسألة ان الانسان لا يمكن ابدا تعلو الهمة الا بالتخلية قبل التحلية ، ان الانسان يشيل من قلبه الدنيا و يحط في قلبه الاخرة ، و ذي ما قلنا مش ها يدروش بالعكس انا عايزك تكون انجح انسان في الدنيا ، و عايزك تكون أغنى واحد و اجمل واحد واسعد واحد و في نفس الوقت تكون أعبد واحد لله سبحانه وتعالي ؛ اجمل بين الدنيا و الاخرة ـ ايه المشكلة ـ حول العادات الي عبادات ، انت عارف واحد يعيش ستين سنه و واحد تاني يعيش ستين سنه ممكن ده يلقى الله عزووجل باعمال تلت سنين و ممكن ده يلقى الله عزوجل باعمل ستين سنه و يمكن عملوا زي بعض بس اختلفت النية ، هوا دوت ما كنش بينوي غير في العبادات بس ، يعني ايه ؟ داخل يصلي خلاص ينوي ، رايح يزكي النية الزكاة ، رايح يعتمر النية العمرة ، انما وقت النوم ما يحتسسبش و وقت الاكل ووقت النوم ، عارف انت لو حولت كل العادات دي لعبادات تلاقي نفسك تلقى الله عز وجل بعبادة ستين سنة ازاي ؟ انا قاعد باكل هو نفس الاكل هو نفس الاكل ، و نفس القعدة نفس القعدة ،بس و انا قاعد باكل بنوي و النية محلها القلب ، بنوي ان الاكل ده باكله علشان استعين به علي طاعة ربنا عزوجل ، يصبح الاكل اللي انا بكله والقعدة اللي انا قاعدها دي كلها عبادة لله سبحانه وتعالي ، انا جاي انام كده كده انا هانام يبقى اتوضا و انام علي جنبي اليمين و ابدا يومي علي جنبي اليمين ، اتقلب بعد كده براحي و اقول اذكار النوم و اركز في اذكار النوم علي تلات حاجات بالذات ، يا ريت اوعي حد ينساها ، اول حاجة سيد الاستغفار " اللهم انت ربي لا اله الا انت خلقتني و انا عبدك وانا علي عهدك ووعدك ما استطتعت ، وانا علي عهدك ووعدك ما استطعت اعوذ بك من شر ما صنعت و ابوء لك بنعمتك علي وابوء بذنبي فاغفر لي فانه لا يغفر الذنوب الا انت " ، ركز عليها لانك لو قلتها بالليل و مت تدخل الجنة ، لو قلتها الصبح و مت تدخل الجنة ، من فضل الله سبحانه وتعالي " من قالها مستيقنا دخل الجنة بفضل الله سبحانه و تعالي " .
ادي حاجة الحاجة التانية ، آية الكرسي " الله لا اله الا هو الحي القيوم لا تأخذه سنة و لا نوم " لو قلتها لا يصبح للشيطان سلطان عليك حتى تصبح بفضل الله سبحانه وتعالي ، لا يكون للشيطان عليك اي سلطان او اي حاجة بفضل الله سبحانه وتعالي .
تالت حاجة عايزك تركز عليها قراءة سورة تبارك " تبارك الذي بيده الملك " ، ثبت في الحديث الذي رواه الحاكم بسند صحيح ان النبي اللهم صلي عليه قال " سورة تبارك هي المانعة من عذاب القبر " ياااه سورة تبارك تمنع من عذاب القبر ؟ نعم ، لو قلتها في ليلة و مت في الليلة دي لا تعذب في قبرك ابدا ، و يكون القبر روضة من رياض الجنة ، سورة تبارك هي المانعة من عذاب القبر ، هي قران قبل اي شئ و هي كلام ربنا فلما تحب كلام ربنا ربنا يحبك ، و لما تقرأ كل حرف لك بكل حرف عشر حسنات ، كما صح ذلك عند الترمذي ان الحبيب النبي صلي الله عليه و سلم قال " من قرا حرفا من كتاب الله كتبت له حسنه ، و الحسنة بعشر أمثالها ، لا اقول ألم حرف ، و لكن الف حرف و لام حرف و ميم حرف " خد بالك بقى لانك بترتقي في درجات الجنة في القران وعلي وجه الخصوص سورة تبارك ، قال صلي الله عليه و سلم " سورة ما هي الا ثلاثون آية نافحت ـ اي دافعت ـ حتى ادخلته الجنة " و راجع الاحاديث دي في صحيح الجامع للشيخ الالباني رحمه الله رحمة واسعة ، فاوعي تنسى التلات حاجات دي ، سيد الاستغفار ، و سورة تبارك و آية الكرسي ، فلما تجي تنام انت كده كده هاتنام ، لكن لما تكون بنية ، كما قال معاذ بن جبل رضي الله عنه لابي موسى الاشعري كما في الصحيحين " و احتسب في نومتي كما احتسب في قومتي " ، انا لما اجي انام احتسب اني هانام علشان لما اقوم اقدر اصلي قيام الليل و صلاة الفجر و اقعد في المسجد اذكر ربنا سبحانه و تعالي حتى تشرق الشمس ، واصلي ركعتين الشروق فيكتب لي صلاة الضحى ، فيكتب لي حجة و عمرة تامة تامة تامة كما ثبت في الحديث الذي رواه الترمذي بسند صحيح ،حجة وعمرة شوفت قد ايه ؟
طبعا انت لو رايح تشتغل ، لكن تنوي بالشغل ده ان انا بعف زوجتي ، وولادي و اخواتي عن مسالة الناس ، فيصبح العمل عبادة بس بشرط الا يلهيك العمل عن طاعة الله و عن الصلوات الخمس ، و الا يكون العمل حراما ، يبقى كده العمل عباده و النوم عبادة و الشرب عباده ، حتى اتيان الزوجة عبادة ، نعم و رب الكعبة كما في الصحيح قال صلي الله عليه و سلم " و في بعض احدكم صدقه ، قالوا يا رسول الله ايأتي احدنا شهوته ويكون لها بها اجر ، قال اجل ارايت لو وضعها في الحرام ، ايكون عليه بها وز قال بلي يا رسول الله قال كذلك اذا وضعها في الحال ، يكون له بها اجر " يا الله دين عظيم جدا يا جماعة ما فيش اعظم من كده يا جماعة ، علشان كده بيقولك طلع الدنيا من قلبك طلع الدنيا من قلبك يعني ايه ؟ يعني جمع فلوس اشتغل اكسب اعمل كل حاجة بس خليها في ايدك ، ما تبقاش في قلبك ، يبقى معاك مليون جنية لكن لما يطلب منك التبرع لبناء مسجد اتفضل ، لدار ايتام اتفضل ، المشاركة في اي خير ، ارملة ما عندهاش زوج يصرف عليها اتفضلي ، واحد فقير معدي عليك اتفضل ، زكاة بطلعها و صدقات باديها ، الله اكبر يبقى الدنيا دي في ايدك مش في قلبك ، مش شغلاك ابدا ، مرة اخ بيقولي ايه ؟ انا عملت مشروع كبير ـ و دا مش معناه ان احنا بنذم في اصحاب المشاريع الكبيرة ، انا عايزك تبقى صاحب اكبر مشروع في الدنيا ، نعم المال الصالح مع الرجل الصالح ـ الاخ ده ساب المحل الكبير و اخد محل صغير علي قده ، فبقول له ليه الناس بترتقي مش بتنزل ، قالي و الله المحل الكبير ده كانت مشكلته يعني ان شاغلني عن طاعة ربنا لدرجة ان انا ما كنتش اقدر اصلي اي صلاة من الصلوات الخمسة الا في المحل ، المحل الصغير ده الحمد لله بكسب منه و كل حاجة بس بفضل الله بقفل و اذهب الي الصلاة و اروح اصلي وارجع تاني و اقرا قران ، و اذكر ربنا و بالليل احضر دروس علم ، و بكسب و الحمد لله عايش و ذي الفل ، اختار الشئ اللي يقربك من ربنا .
يسألني شاب أو اخت مثلا ادخل كلية ايه ، او اتجوز مين ، او اتعين في الوظيفة دي و لا لأ ، اقول له بص مقياسك في الاشياء دي كلها الشئ اللي يقربك من ربنا ، الوظيفة دي هاتقربني من ربنا خليني فيها حتى لو كان المرتب اقل مش مشكلة ، الموضوع مش موضوع مبلغ الموضوع موضوع بركة " و لو ان اهل القري امنوا و اتقوا لفتحنا عليهم بركات من السماء و الارض " ، حتة البركة يا جماعة كان عمر بن الخطاب رضي الله عنه يقول " اللهم اني لا اسالك رزقا قد قدرته لي و لكن اسألك البركة في هذا الرزق " ، البركة يا جماعة في وجود سيدنا عيسى بن مريم في اخر الزمان دي علامة من علامات الساعة الكبري تلاقي البركة في عهده لا يمكن ان تتخليها ، اجمل سبع سنين تعشها البشرية كلها هيا السبع سنين دي ، بركة لا تتخيلها ، سيدنا عيسى ينزل ليس كنبي من الانبياء و لكن كحاكم من حكام المسلمين ، هذا الدليل حديث رواه مسلم عن النبي صلي الله عليه و سلم قال " والذي نفسي بيده ليوشكن ان ينزل فيكم عيسى ابن مريم حاكما مقسطا عادلا ، فيكسر الصليب و يقتل الخنزير ، و يرفع الجزية و يفيض المال حتى لا يجد من ياخذه ، حتى تكون السجدة الواحدة خير من الدنيا و ما فيها " ، وفي رواية عند احمد بسند صحيح " و يامر الله الارض ان تخرج بركتها و يامر السماء ان تنزل بركتها ، حتى يجتمع الرهط من الرجال علي رمانة واحدة ، فلا يستطيعون ان يكملوها ، فيستظلون بقحفها ، و يجتمع الرهط من الرجال علي عنقود من العنب فلا يستطيعون ان يكملوه ، حتى لو وضع الرجل بذرته علي الشفا لانبتت باذن الله " الصفا هو الجبل خد بالك بقى ، الصفا جبل او صخرة ملساء حط عليها بذرة تطلع آه تطلع ، خد بالك ، " و ينزع الله السم من كل ذات سم خد بالك ، السموم تتنزع من الافات و الحيات و العقارب ، ما فيش سموم خلاص بقى ، الدنيا كلها يبقى فيها سلام ووئام ، " حتى يضع الطفل يده في فم حيه فلا تضره
" يعني في الوقت ده مصانع لعب الاطفال ها قفل ، يعني ممكن نلاقي شوية افاعي و حيات نلعب بيها يعني ، " و يطأ الرجل برجله علي رأس الاسد فلا يضره ، و ترعي النمور مع الابقار و الاسود مع الابل ، ويكون الذئب في حضن الغنم ككلبهم الذي يحرسهم " البركة تعم الدنيا كلها ، ليه ، ايمان بالله سبحانه وتعالي ، و البركة منزوعة ليه دلوقتي ، لان الايمان شوية ، نرجع لموضوعنا و هو البركة في العمر وانك تخلي عمره كله طاعة لله عزوجل ، انا بنام علشان اقوم و اطيعك و اذكرك يا ربي ، انا باكل علشان اتقوي علي عبادتك ، انا بشتغل علشان اعف زوجتي واولادي عن سؤال الناس ، يبقى اكلك عبادة و شربك عبادة و كل حياتك تنقلب علي عبادة ، سبحان الملك ، حتى زواجك من بدايته يبقى عبادة ، اسال واحد من الشباب بيتجوزليه ؟ يقولك و الله طلعت لقيت ابويا متجوز و عمي متجوز و خالي متجوز ، مش هاقعد انا كده فاضي يعني ، لازم اتجوز يعني .
بتجوز ليه ؟ و الله علشان ربنا يكرمني بزوجة طيبة كده و يبقى عندي عيل اتنين ابيهم يعني ، بيتجوز ليه ؟ علشان ابعد ربنا ، بتتكلم جد اه والله ، تعبد ربنا بالجواز ؟ اه ، علشان هاخد اخت اعفها ، تعفني تعني علي طاعة ربنا ، تخلف اولاد يعبدوا ربنا و يوحدوا الخالق سبحانه و تعالي ، يعني هوا دا هدف ، علشان كده النبي عليه الصلاة و السلام علشان يكتر ذريته علشان النبي عليه الصلاة و
السلام بيفرح بالذرية اللي بتعبد ربنا ، يا سبحان الملك ، دا بيفكرني بشاب صغير كده مفكر ان الناس المتدينين حياتهم جميلة و مليئة بطاعة ربنا ، فقال له يا عم الشيخ ربنا يبارك فيك و ربنا يحفظك انا عايز اعرف ايه الكلام الحلو اللي بتقولوه في ليلة الدخلة ؟ قال له : تعالي يا بني يا حبيبي ، اول ما تخش علي زوجتك تحط ايدك علي مقدمة راسها و تقول اللهم اني اسألك خيرها و خير ما جبلتها عليه ، واعوذ بك من شرها و من شر من جبلتها عليه " ، و عند الجماع " بسم الله اللهم جنبنا الشيطان و جنب الشيطان ما رزقتنا " ، قاله ماشي بارك الله فيك ، المهم الشاب ده كان متجوز واحده منتقبة و كانت جميلة جدا المهم يوم الدخلة اول ما كشف النقاب فقد الذاكرة و قال : سبحان الذي سخر لنا هذا و ما كنا له مقرنين ، و انا الي ربنا لمنقلبون " قالت له جزاك الله خيرا بتقول دعاء الدابة ، فانت ممكن تحول حياتك كلها لعبادة لله سبحانه و تعالي .
هيا دي النية بقى ، قال يحيى بن معين : تعلموا النية ، قال ابو سليمان الدارني " طوبى لمن صحت له خطوة يريد بها وجه الله " ، قال الامام احمد بن حنبل لابنه عبد الله قال : يا بني انو الخير ، فانك لا تزال بخير ما نويت خيرا " ، النية " انما الاعمال بالنيات و انما لكل امرئ ما نوى " و انت قاعد اهه انوي ها تخسر ايه ؟ و الله يارب ان بتمنى يكون عندي قناة فضائية ابث من خلالها الدين ، والقران و السنة ياسلام يكتب لك و كان الدنيا كلها دي اهتدت بسببك و انت ما عملتش حاجة ، و الله يارب انا نفسي ابني مسجد الناس تصلي فيه يكتب لك ، و الله يارب نفسي اعمل دار ايتام واكفل 300 يتيم يكتب لك ، و لكن تصدق مع الله سبحانه و تعالي انه لو اداك فعلا مال هاتعمل لله سبحانه وتعالي ، يقول سبحانه وتعالي " من المؤمنين رجال صدقوا ما عاهدوا الله عليه فمنهم من قضي نحبه و منهم من ينتظر و ما بدوا تبديلا " .
فاصل اعلاني
ازاي بقى ان احنا نفرغ القلب من الدنيا للاخرة ، انا هاديك مثالين صغيرين خالص تقدر انك تفرغ قلبك من الدنيا و تشغله بالاخرة ، خد بالك من حاجة القلب دا عامل ذي ايه القلب عامل ذي صندوق و الصندوق ده مربوط بحبال عامل زي المنطاط و البالونه دي عايزه تتطلع ، بس فيه مشكله ان الصندوق دا له قلب ، الصندوق دا مليان طوب و زلط و رمل و تراب ، فالبالونه عايزه تتطلع مش عارف ، تعمل ايه خف الرمله و خف الزلط ، يعني خف الدنيا تتطلع للاخرة بفضل الله سبحانه وتعالي ، يعني شايل حب مال ، شهوة نساء ، العربية اللي بلعب بيها سباق ارمي ، هتلاقي كل ده عمال بيخف ، و القلب يخف و ينظف فاول ما الصندوق يفضى تلاقي البالون ايه ؟ طار ، وضح المثل .
اديك مثل تاني ، صلي علي حبيبك النبي عليه الصلاة و السلام ، عارف سفينة الفضاء ، اكيد شوفتها اقبل كده في النشرات الاخبارية و يقولك النهاردة ها تطلع سفينة الفضاء او المكوك الفلاني او الكلام دا كله ، فالمهم سفينة الفضاء لما بتطلق بتلاقي كمية غازات و نار تحرق بلد باكملها تعطي المكوك قوة تدفع تدفع المكوك ان يطلع من مرحلة الجاذبية الارضية ، عدي مرحلة الجاذبية خلاص ، ابشر انطلق و عاش اجمل حياة ما فيش اجمل من هنا ، يبقى انا محتاج الي دفعه متحاج الي اني انطلق ، لما تنطلق تنطلق في اطار السنة النبي عليه الصلاة و السلام يقول " و لن يشاد الدين احد الا غلبه " ، يعنني احب الاعمال الي الله ادومها وان قلت " يجي الشيطان يضحك عليك يا راجل بقالك سنه ما صلتش قيام ليل ، انت تنفع تكون اخ ملتزم انته ، طيب اعمل ايه ؟ يلا قوم صلي قيام ليل من بعد العشاء الي الفجر يلا زي الصحابة و النبي عليه الصلاة و السلام ، و البعدين الله اكبر من بعد العشاء الي صلاة الفجر يجي الشيطان يقولك دا انت عفارم عليك ممتاز دا انت من العباد الزهاد دا انت من العشرة المبشرين بالجنة ياراجل طيب نام واسترح شوية تيجي تنام تصبح الساعة عشرة الصبح يفوت عليك الفريضة ، وصلاة قيام الليل من السنن ، و لكنها عبادة عظيمة قال عنها جبريل عليه السلام " واعلم يا محمد ان شرف المؤمن في قيام الليل ، و عزه استغنائه عن الناس " و قال النبي عليه الصلاة و السلام " عليكم بقيام الليل فانه دأب الصالحين " ، و قال صلي الله عليه وسلم " رحم الله رجلا قام من الليل فصلي ثم ايقظ امرأته ، فان ابت نضح في وجهها الماء ، و رحم الله امرأة قامت من الليل فصلت ، ثم ايقظت زوجها فان ابت نضحت في وجهه الماء ، فان قاما و صليا كتب عند الله من الذاكرين كثيرا و الذاكرات " ، و قال صلي الله عليه و سلم " ينزل الله عزوجل الي السماء الدنيا كل ليلة في الثلث الاخير من الليل فينادي : من يدعوني فاجيبه ، من يسألوني فاعطيه ، من يستغفرني فاغفر له حتى يطلع الصبح "
اذن الاصل هو الفريضة ، كما صح في الحديث القدسي قال المولي عزوجل " و ما تقرب الي عبدي بشئ احب الي مما افترضته عليه ، ومازال عبدي يتقرب الي بالنوافل حتى احبه ، فاذا احببته كنت سمعه الذي يسمع به ، و بصره الذي يبصر به , يد ه التي يبطش بها و رجله التي يمشي بها و لإن سألني لاعطينه و لان استعاذني لاعيذنه و ما تردد علي شئ انا فاعله ترددي عن قبض نفس عبد مؤمن " سبحان الملك ، فسفينة الفضاء دي تحتاج الي قوة دفع قوية ، و تبدا بالطاعة و كما قال احد السلف من كانت له بداية محرقة كانت له نهاية مشرقة ، و من طلب العلا سهر الليالي هذا في امر الدنيا فما بالك بامر الاخرة و بالجنة لا ينام نهائيا ، واكثر الناس تشددا هم عند الفتنة هم اكثر الناس تسيبا واحد متشدد و قرفان من الناس و دا فاسق و دا كافر ، و عند الفتنة تلاقيه علي المقاهي يشرب الشيشة و ماشي مع البنات ، مش هوا دا الدين الدين بتاعنا دين وسط " وكذلك جعلناكم امة وسطا " و قت للبسمة و وقت للبكاء ووقت للفرح ووقت للحزن ووقت للعبادة ووقت للعمل ووقت للزوجة ووقت للاولاد ووقت للشغل ، فاعط كل ذي حق حقه ، مش عايزين داعية عايش في دنيا تانية او عايش في دنيا لوحده و الدين حاجة و الدنيا حاجة لا ، لازم نعييش الدين ونعيش الدين في وقت واحد و النبي عليه الصلاة و السلام عمره ما كان مكشر ، و النبي عليه الصلاة والسلام لو غضب الغضب له وقت ، و كان صلي الله عليه و سلم يضحك و يداعب الصحابة ، احد الصحابة يقف في السوق و يقول من يشتري هذا الثوب فيمسكه النبي و يقول و من يشتري هذا العبد ، فيستدير الصحابي و يقول تجدني كاسدا يا رسول الله ، و يقول له النبي عليه الصلاة و السلام : و لكنك عند الله لست بكاسد ، و في رواية " غير انك عند الله غال " انت غالي عند ربنا ، يا سلام يا تري انت كمان غالي عند ربنا ، النبي صلي الله عليه و سلم يمزح مع امنا عائشة و الحديث رواه احمد باسناد حسن " حين قال للجيش تقدموا فتقدموا و قال لعائشة تسابقيني ، فتقول اسابقك يا رسول الله ، فتقول فسبقه المهم في المرة الثانية بعد كام شهر خرج مع الجيش فقال لهم تقدموا ، و قال تسابقيني ، فسابقني فسبقني ، و قال صلي الله عليه وسلم باسناد حسن " اطتت السماء و حق لها ان تئط " و قبلها قال صلي الله عليه و سلم " و الذي نفسي بيده لو تعلمون ما اعلم ، لضحكتم قليلا و لبكيتم كثيرا " .
النبي صلي الله عليه و سلم لم ينف الضحك ، لم يقل لم ضحكتم ابدا ، انما لضحكتم قليلا ، و النبي صلي الله عليه سلم كان يمزح و لا يقول الا حقا ، و ثبت في رواية " انا زعيم اهل بيت في وسط الجنة لمن ترك الكذب و ان كان مازحا " حتى وانت بتمزح ما تكذبش ، اضحك و فرفش مع اخواتك و حبيابك و قاريبك و لكن بصدق بفضل الله سبحانه وتعالي ، اذا انت تحتاج لقوة اندفاع ، قوة الاندفاع هذه تتمثل في " و الذين جاهدوا فينا لنهدينهم سبلنا " يا رب حبب اليا الايمان ، زينه في قلبي و جدد الايمان في قلبي ، ان الايمان ليخلق في قلب احدكم كما يخلق ثوب احدكم ، فسئلوا الله ان يجدد الايمان في قلوبكم ، ادع و قل يا رب جدد الايمان في قلبي يا رب قربني منك يا رب حبب اليا الطاعة و بغض الي المعصية ، اكثر من قيام الليل اليوم ركعتين و غدا اربعة و بعد غد سته ، و هكذا ازد من الذكر و قراءة القرآن ، اجتهد كان احد اصحاب الامام احمد كان يقول صحبت الامام احمد عشرين سنه فوالله لقد كان كل يوم في زيادة في عبادة الله سبحانه وتعالي ، مازلنا مع السابقين ، مع علو الهمة نكمل في الحلقة اللي جاية ان شاء الله نكمل مع السابقين ، سبحانك اللهم و بحمدك أشهد ان لا اله الا انت ، استغفرك واتوب اليك ، و صلي الله علي سيدنامحمد وعلي اله وصحبه وسلم ، والسلام عليكم و رحمة الله و بركاته .
المصدر: http://www.alresalah.net/morenews.htm?id=249_0_2_0